Sergej Obrazcov

Honorigoj
Honorigoj	(1967) Stanislavsky State Prize of the RSFSR (en) ; Merited Artist of the RSFSR (en) ; People's Artist of the RSFSR (en) ; Lenin-premio; Medalo “Por Memorigo de la 800-a Jaro de Moskvo”; Ordeno de la Rideto; Medalo «Pro Merita Laboro dum la Granda Patriota Milito 1941–1945»; Popola artisto de Sovetunio; Ordeno de Laborista Ruĝa Standardo; Ordeno de Lenin; Heroo de Socialisma Laboro; Stalin-premio ; vd

**Sergej Obrazcov**
Sergej Obrazcov
Persona informo
	Сергей Владимирович Образцов
Naskonomo	Сергей Владимирович Образцов
Naskiĝo	22-an de junio 1901; en Medvedkovo
Morto	8-an de majo 1992 (90-jaraĝa); en Moskvo
Tombo	Novodeviĉje tombejo vd
Lingvoj	rusa vd
Ŝtataneco	Sovetunio ; Rusio vd
Alma mater	Vkhutemas (en) vd
Familio
Infanoj	Alexeï Sergueïevitch Obraztsov (fr) vd
Profesio
Okupo	aktoro ; publikigisto ; puppet designer (en) ; reĝisoro ; instruisto de teatro ; filmreĝisoro ; teatra reĝisoro ; pupteatristo ; scenaristo vd
Laborkampo	Marionetado vd
Honorigoj
Honorigoj	(1967) Stanislavsky State Prize of the RSFSR (en) ; Merited Artist of the RSFSR (en) ; People's Artist of the RSFSR (en) ; Lenin-premio; Medalo “Por Memorigo de la 800-a Jaro de Moskvo”; Ordeno de la Rideto; Medalo «Pro Merita Laboro dum la Granda Patriota Milito 1941–1945»; Popola artisto de Sovetunio; Ordeno de Laborista Ruĝa Standardo; Ordeno de Lenin; Heroo de Socialisma Laboro; Stalin-premio ; vd
vd	Fonto: Vikidatumoj
	v • d • r

Sergej Vladimiroviĉ OBRAZCOV (ruse Сергей Владимирович Образцов; naskiĝis la 5-an de julio 1901 en Moskvo, Rusia Imperio, mortis la 8-an de majo 1992 samurbe. Li estis granda rusa mastro pri marionetoj, kiu establis pupteatron kiel formo de arto en Sovetunio kaj kiu estas konsiderata unu el la plej elstaraj pupistoj de la 20-a jarcento.

La filo de instruistino pri la rusa lingvo en gimnazio baronino Anna Ivanovna von Rehbinder (Obrazcova) (1878–1959) kaj fervoja inĝeniero, akademiano Vladimir Nikolajeviĉ Obrazcov (1874–1949) studis pentrarton en la moskva Supera Arta kaj Teknika Studio. Li iĝis aktoro ĉe la moskva Nemiroviĉ-Danĉenko Muzika Teatro en 1922-1930 jaroj kaj poste ĉe la Moskva Arta Teatro(1930-31). Tiutempe li ankaŭ donis en sendependa vodevilo-stilo marionetajn spektaklojn. En 1931 li estis elektita de la soveta registaro kiel la unua direktoro de la Ŝtata Centra Pupteatro.

Dum pli ol okdek jaroj de ĝia ekzistado la teatro de marionetoj havis permanentan furoron enlande kaj eksterlande. Ĝi estas ankaŭ enlistigita en la Guinness-libro de rekordoj.

Krom gvidado en sia teatro Obrazcov instruis la puparton kiel profesoro en la moskva Rusa Akademio de Teatraj Artoj. Ekde 1976 li estis prezidanto la Internacia Unio de la Marionetoj - UNIMA, ekde 1984 - ĝia honora dumviva prezidanto.

Verkaro

Obrazcov verkis 20 librojn, inter kiuj plej famaj estas:

Dumvive mi ludas kun pupoj (Всю жизнь я играю в куклы) - 1983
Kurtaj rakontoj pri animaloj (Маленькие рассказы про животных) - 2010
Mia profesio {Моя профессия} - 2009
Laŭ ŝtupoj de memoro (По ступенькам памяти) - 1987
Pri tio, kion mi vidis, eksciis kaj komprenis dum du vojaĝoj al Londono (О том, что я увидел, узнал и понял во время двух поездок в Лондон) - 1957
La teatro de la ĉina popolo (Театр китайского народа) - 1957

Filmaro

Li ankaŭ produktis kelkajn dokumentajn filmojn kiel reĝisoro:

Don Juano (1988)
Mister Twister (1977)
Aladino kaj la mirinda lampo (1974)
La eksterordinara koncerto" (1972)
la Dia Komedio (1961)
Kinokamerao akuzas (1967)
Surprizoj troviĝas apude (1962)
Nekredebla vero (1970)
Kiu bezonas tiun Vaska? (1973)

Premioj

Laŭreato de Sovetunio Stalin-premio (1946)
Laŭreato de Sovetunio Lenin-premio (1984)
Popola artisto de Sovetunio (1954)
Laŭreato de la Ŝtata Stanislavskij Premio de RSFSR (1967)
Heroo de Socialisma Laboro (1971)

Dum lastaj dek vivjaroj Obrazcov suferis pro negativaj sekvoj de sukera diabeto. Li mortis la 8-an de majo 1992 kaj estis sepultita en la moskva Novodeviĉje tombejo (10 tereno).

Memoro

En 2001 iĝis vizitebla apartamento, en kiu loĝis lia familio;
En 2006 oni establis monumenton apud la pupteatro;
Ŝipo-pensiono portas lian nomon;
Obrazcov strato en Moskvo (ĝis 1949 - Baĥmetjevskaja). En domo 12 rezidis lia familio;

Familio

Sergej Obrazcov estis dufoje edzo. Lia unua edzino nomiĝis Sofia Semenovna Smislova, al kiu li edziĝis en 1919. La geedzoj havis filon Aleksej naskitan la 28-an de decembro 1922 kaj filinon Natalia naskitan la 27-an de junio 1928. Baldaŭ post naskiĝo de la filino Sofia mortis. En 1931 Obrazcov edziĝis al aktorino de la Moskva Arta Teatro Olga Aleksandrovna Ŝaganova (Erlanger) (1904 - 1989), kun kiu li travivis ĉirkaŭ sesdek jarojn. Ilia filino nomiĝis Nadeĵda.

Filo Aleksej iĝis arkitekto, filino Natalia estis aktorino de la pupteatro kaj rolis leporeton Tepa en populara TV-programo "Bonan nokton, geetuloj!". Ekde 1982 ŝi havis honoran titolon - Merita Artistino de Rusio.

Lia nepino Ekaterina Obrazcova naskiĝinta la 19-an de majo 1955 ankaŭ estas Merita Artistino de Rusio. Ŝi daŭrigas aferon de sia avo kaj gvidas la pupteatron. Lia nepo Petro (naskiĝis en 1950) estas kandidato pri Kemiaj Sciencoj kaj ĵurnalisto. La dua nepo Sergej (1958) estas arkitekto.

Eksteraj ligiloj

Kategorio Sergej Obrazcov en la Vikimedia Komunejo (Multrimedaj datumoj)

[1] biografio angle
[2] Arkivigite je 2017-06-20 per la retarkivo Wayback Machine biografio ruse
[3] Arkivigite je 2017-06-14 per la retarkivo Wayback Machine Obrazcov pupteatro ruse angle
[4]^{[rompita ligilo]} Muzeo-apartamento Глинищевский переулок дом 5/7. 6 подъезд, кв № 97
[5] video

Bibliotekoj